Passivhaus fronte a Fogar Natur: O estándar de eficiencia é suficiente?

Introdución: Máxima eficiencia e o salto necesario

A procura da máxima eficiencia enerxética converteuse no obxectivo principal de quen desexa construír un fogar hoxe. Neste contexto, o estándar Passivhaus (Casa pasiva) é a referencia.

Passivhaus demostrou ao mundo que é posible reducir o consumo de calefacción e refrixeración ata un 90% a través dun deseño rigoroso, illamento continuo e estanquidade total. En GSM construción natural, recoñecemos este rigor.

Porén, a nosa filosofía pregúntase: É suficiente a eficiencia?

A resposta é que non. Un fogar non só debe ser eficiente; debe ser un espazo que promova activamente a saúde e o benestar dos seus habitantes. O noso sistema construtivo, Fogar Natur, nace precisamente para dar ese salto.

Non renunciamos á eficiencia extrema, pero engadimos un requisito irrenunciable, a construción natural. Analizamos a diferenza entre un sistema que prioriza o dato numérico (Passivhaus) e un sistema que engade o dato humano (Fogar Natur).

2. Onde coincidimos: Os alicerces da eficiencia radical

Tanto o estándar Passivhaus como o noso sistema Fogar Natur comparten unha comprensión fundamental da física construtiva que permite acadar esa eficiencia enerxética extrema. As nosas vivendas están deseñadas e executadas para cumprir cos principios que fan posible o aforro, independentemente do selo final:

1. Illamento térmico radical e continuo: Ambos sistemas parten da necesidade dunha capa illante ininterrompida e de gran espesor que envolva completamente a vivenda. Isto minimiza a perda de calor no inverno e o quecemento no verán. En GSM construción natural, empregamos materiais como a fibra de madeira e a cortiza natural, que, ademais de illar, achegan as súas propias vantaxes en inercia e transpirabilidade.

2. Estanquidade ao aire (sen fugas incontroladas): Para evitar as perdas de enerxía e a entrada de humidade por convección, é crucial unha envolvente hermeticamente selada. Isto significa eliminar calquera fenda ou rendixa incontrolada na construción. En Fogar Natur, aplicamos con rigor sistemas de barreiras de vapor e membranas de estanquidade de última xeración (como as solucións de Rothoblaas), verificando o resultado cun test de Blower Door para garantir a ausencia de infiltracións.

3. Eliminación de pontes térmicas: As pontes térmicas son puntos débiles na envolvente polos que a enerxía se escapa. Tanto Passivhaus como Fogar Natur fan un deseño sen pontes térmicas dende o inicio, con xuncións e encontros de elementos perfectamente illados e sen interrupcións estruturais que comprometan a continuidade da capa térmica.

Estes tres principios son a base técnica compartida que nos permite acadar un confort interior extraordinario cun consumo enerxético mínimo. Son a demostración do noso rigor técnico e da nosa capacidade para construír ao máis alto nivel de eficiencia.

O Salto de calidade: O diferencial Fogar Natur (Saúde e materia prima)

Se ben Passivhaus e Fogar Natur comparten o obxectivo de eficiencia, a nosa filosofía obriga a ir un paso máis aló, integrando o Piar 1 (Saúde) no corazón da envolvente.

Passivhaus é neutral en canto a materiais, o que permite o uso de illantes derivados do petróleo (EPS/XPS) e carpinterías de PVC. Fogar Natur é estrito, a saúde e a sostibilidade do ciclo de vida son innegociables.

A. Carpinterías e ventilación: Madeira fronte a PVC

A elección dos materiais nas carpinterías é fundamental. Moitos proxectos de alta eficiencia empregan o PVC, un material que, aínda que é eficiente termicamente, ten unha pegada ambiental alta na súa produción e pode ser perigoso para a saúde.

As carpinterías de PVC conteñen cloro, ftalatos e outros aditivos que, ao longo do tempo, poden liberar compostos orgánicos volátiles (COVs) no ambiente interior, comprometendo a saúde do residente.

Fogar Natur opta exclusivamente por carpinterías de madeira laminada de castiñeiro galego de alta eficiencia. A madeira é un material natural, renovable e que actúa como sumidoiro de CO2. As nosas carpinterías acadan os mesmos niveis de estanquidade e rotura de ponte térmica que o PVC, pero fano cun material biofílico, duradeiro, e totalmente libre de emisións tóxicas. Garantimos a eficiencia sen sacrificar a salubridade.

B. Illamento: O dilema da pegada de carbono (EPS/XPS fronte a fibra de madeira)

O illamento é o gran protagonista da eficiencia. O estándar Passivhaus permite illantes sintéticos como o Poliestireno Expandido (EPS) ou Extruido (XPS). Estes materiais, ademais de ser derivados do petróleo, presentan dous grandes problemas:

• Contaminación: A súa fabricación implica un alto consumo enerxético e a xeración dun residuo plástico inerte.

• Transpirabilidade: O EPS e o XPS son materiais non transpirables. Unha envolvente ríxida non permite a micro-ventilación da estrutura, o que pode xerar problemas de condensacións e humidades a longo prazo, comprometendo a durabilidade da edificación e favorecendo a aparición de mofos internos.

A solución Fogar Natur: Nós só empregamos illantes de orixe natural, fibra de madeira e cortiza.

• Regulación Higrométrica: A fibra de madeira e a cortiza son capaces de absorber e liberar vapor de auga sen perder a súa capacidade illante. Isto permite que o muro "respire", xestionando a humidade interior (higrometría) de forma pasiva e natural. É a defensa máis eficaz contra os mofos e as alerxias.

• Inercia térmica: O poliestireno non ten inercia. A fibra de madeira, pola súa densidade, ofrece unha alta inercia térmica que retarda o quecemento do interior no verán, garantindo o confort mesmo nas ondas de calor.

Acabados activos: Barro e CO2 negativo

Finalmente, Fogar Natur integra os morteiros e pinturas de barro e ou cal nos acabados interiores. Estes materiais actúan como filtros naturais, controlando a humidade e a calidade do aire. Isto compleméntase co uso de madeiras galegas con garantía de orixe, o que nos permite construír fogares con pegada de carbono negativa (proxectos con balance de ata -76.538,71 Kg de CO2), algo que o uso masivo de plásticos dificulta enormemente noutros sistemas.

4. Táboa comparativa: O salto do estándar (Dato clave)

A mellor forma de comprender a diferenza entre a eficiencia extrema de Passivhaus e a eficiencia máis a saúde integral de Fogar Natur é a través da comparación directa. Mentres Passivhaus garante a redución do consumo, Fogar Natur garante a calidade da vida interior e a máxima sostibilidade dos materiais.

Criterio de Comparación	Estándar Passivhaus	Sistema Fogar Natur (GSM construción)	Vantaxe Clave Fogar Natur
Material Illante Principal	Non esixe. Material común EPS/XPS (derivados do petróleo).	Fibra de m madeira Cortiza.	Xestión da humidade (Higrometría) e Inercia térmica superior.
Carpinterías	Non esixe. Material común PVC (contaminante, tóxico)..	Madeira laminada de castiñeiro galego de alta eficiencia.	Cero emisións tóxicas (COVs) e sumidoiro de CO2.
Acabados Interiores	Non esixe. Material común pinturas acrílicas.	Morteiros e pinturas de barro e ou de cal.	Regulación activa do aire e prevención de alerxias e mofos.
Pegada de Carbono (Estrutura)	Non esixe cálculo. A miúdo neutra ou positiva.	Negativa  (Exemplo: -76.538,71 Kg de CO2).	Compromiso Ambiental (ODS 13). Construción que retira carbono.
Eixe Central	Máxima eficiencia (Consumo kWh/m2/a).	Máxima eficiencia e salubridade iInterior  (Saúde humana).

Análise: Por que escoller Fogar Natur

Esta táboa visualiza a nosa tese, a eficiencia enerxética (kWh) debe ser un punto de partida, pero nunca o único obxectivo. A selección de materiais naturais no sistema Fogar Natur non só iguala o rendemento térmico, senón que o supera en calidade e responsabilidade.

• Protección no verán: A densidade da fibra de madeira outórgalle unha inercia térmica superior á do poliestireno (EPS/XPS). Isto tradúcese nun atraso de ata 10 horas na entrada de calor no interior da vivenda durante as ondas de calor, mantendo a casa fresca de forma pasiva.

• Saúde Activa: O uso de madeira sen tratar, barro e cal elimina as fontes de COVs e emisións tóxicas. Mentres o estándar Passivhaus confía na ventilación mecánica para renovar o aire, Fogar Natur confía no poder regulador e filtrador dos seus propios materiais.

• Compromiso de futuro: Ao utilizar madeira certificada C24 con garantía "Pino de Galicia" e materiais de quilómetro cero, garantimos un produto coa máis alta durabilidade e cunha pegada de carbono que é un activo para o medio ambiente.

Conclusión: O futuro da construción é eficiente e saudable

A conclusión do debate entre a eficiencia de Passivhaus e a proposta integral de Fogar Natur é clara, a eficiencia enerxética é imprescindible, pero non pode ser o único criterio.

Unha vivenda deseñada para aforrar luz á conta de materiais plásticos e contaminantes (PVC, EPS/XPS) non está a cumprir o seu obxectivo final que é o benestar da persoa que habita nela.

En GSM construción natural, demostramos que non hai que elixir. O noso sistema Fogar Natur acada os mesmos niveis de illamento e estanquidade co rigor técnico esixido pola alta eficiencia, pero faino coa intelixencia da Natureza.

Empregamos madeira certificada C24 con garantía "Pino de Galicia", fibra de madeira, barro e cal que, ademais de illar, xestionan activamente a saúde da túa casa: neutralizando tóxicos, regulando a humidade e garantindo un aire interior de máxima calidade.

A eficiencia xa non se mide só en kWh, senón en calidade de vida.

Se estás a planificar o teu fogar, non te conformes co estándar, esixe un paso máis. Esixe unha casa que coide do teu planeta e da túa saúde.

O teu proxecto de máxima eficiencia con alma Biofílica, comeza aquí!

Queres saber como o noso sistema Fogar Natur se aplica ao teu terreo?

Pide o teu estudo de viabilidade e comparativa de materiais

Interésache a nosa pegada de carbono negativa?

Consulta os nosos proxectos de madeira e barro con resultados de CO2 cuantificados

Voltar